ایک نیوز:پی ایس ایل سیزن 10 کے سولہویں میچ میں لاہور قلندر نے ملتان سلطانز کےخلاف ٹاس جیت کر فیلڈنگ کافیصلہ کیا ہے۔

گزشتہ روز پی ایس ایل سیزن10کے 15ویں میچ میں کوئٹہ گلیڈی ایٹرز نے کراچی کنگز کو 5 رنز سے شکست دے دی تھی،لاہور کے قذافی سٹیڈیم میں کھیلے گئے میچ میں کراچی کنگز کے کپتان ڈیوڈ وارنر نے ٹاس جیت کر کوئٹہ گلیڈی ایٹرز کو پہلے باؤلنگ کی دعوت دی تھی۔
 کوئٹہ گلیڈی ایٹرز 19.3 اوورز میں 142 رنز بنا کر آؤٹ ہوگئی اور کراچی کنگز کو جیت کیلئے  143 رنز کا ہدف دیا تھا،فہیم اشرف 43 رنز بنا کر نمایاں رہے، کوشل مینڈس 36 اور حسن نواز 35 رنز بناسکے،سعود شکیل 6، فن ایلن بغیر کوئی رن بنائے پویلین لوٹ گئے، رائلی روسو 6 رنز بنا کر حسن علی کا نشانہ بنے۔
کراچی کنگز کے حسن علی نے 3کھلاڑیوں کو آؤٹ کیا، عباس آفریدی اور میر حمزہ نے 2، 2وکٹیں حاصل کیں۔
 کوئٹہ گلیڈی ایٹرز کی جانب سے دیئے گئے 143 رنز کے تعاقب میں کراچی کنگز مقررہ اوورز میں 8 وکٹوں کے نقصان پر 137 رنز بناسکی،ٹم سائفرٹ کی 47 رنز کی اننگز رائیگاں گئی، جیمز ونس 30 رنز بنا سکے، کپتان ڈیوڈ وارنر 4 رنز بنا کر محمد عامر کا نشانہ بنے۔
شان مسعود 9 اور عمر بن یوسف 11 رنز بنا کر آؤٹ ہوئے، محمد نبی 4 اور خوشدل شاہ بغیر کوئی رن بنائے آؤٹ ہوئے،کوئٹہ گلیڈی ایٹرز کے محمد عامر، خرم شہزاد اور وسیم جونیئر نے 2، 2 کھلاڑیوں کو آؤٹ کیا۔
واضح رہے کہ کراچی کنگز نے ہوم گراؤنڈ پر تین میچ جیتے ہیں جبکہ گلیڈی ایٹرز نے ایک میچ میں کامیابی حاصل کی ہے، کراچی نے پہلے راؤنڈ میچ میں کوئٹہ کو 56 رنز سے شکست دی تھی، پوائنٹس ٹیبل پر کراچی کنگز تین میچ جیت کر6پوائنٹس کے ساتھ دوسرے نمبر پر موجود ہے۔