امریکی انتخابات:بیلٹ پیپر اردو میں بھی دستیاب ہونگے

ویب ڈیسک:امریکا میں ہونیوالےصدارتی انتخابات میں عوام کیلئے اب انگلش کے علاوہ اردو میں بھی بیلٹ پیپرز دستیاب ہونگے۔
امریکا میں5نومبر کو صدارتی انتخابات ہونے جارہے ہیں جن کیلئےبہت سی ریاستوں میں قبل از وقت ووٹنگ کا آغاز بھی ہوچکا ہے،ذرائع کے مطابق امریکی انتخابات میں اب انگلش کیساتھ ساتھ اردو زبا ن میں بھی بیلٹ فراہم کیےجارہےہیں۔
جن لوگوں کو انگریزی زبان سمجھنے میں مشکل ہوتی ہے ان کیلئے اردو زبان میں بیلٹ پیپرکی سہولت ہو گی، شکاگو بورڈ آف الیکشنز کا کہنا ہے کہ ہر پولنگ سٹیشن پرٹچ سکرین ووٹنگ مشین اور آڈیوبیلٹ بھی موجود ہوگی ۔
جبکہ شکاگو کے مختلف پولنگ سٹیشنز پر اردو میں بھی بیلٹ پیپر دستیاب ہونگے، شکاگو بورڈ آف الیکشن کایہ بھی کہنا ہے کہ ووٹ ڈالنے کے لیے ووٹرز اپنے ساتھ ترجمان بھی لاسکتے ہیں۔