ایک نیوز: قومی کرکٹ ٹیم کے کپتان بابراعظم اور بلےباز محمد رضوان ان دنوں تعلیم حاصل کرنے کیلئے امریکا میں مقیم ہیں۔
رپورٹ کے مطابق سماجی رابطے کی سائٹ ٹوئٹر پر قومی کرکٹ ٹیم کے کپتان بابراعظم نے مداحوں سے ایک تصویر شیئر کی جس میں بابر اعظم اور رضوان ہارورڈ بزنس اسکول میں داخلے کے بعد پڑھتے ہوئے دیکھائی دے رہے ہیں۔
تصویر میں دیکھا جاسکتاہے کہ بابراعظم صوفے پر لیٹے ہوئے پڑھائی کررہے ہیں جبکہ محمد رضوان زمین پر بیٹھ کر نوٹس کا مطالعہ کرتے ہوئے مختلف پیپرز کا جائزہ لے رہے ہیں۔ بابراعظم کی جانب سے شیئر کی گئی تصویر میں کیپشن لکھا گیا ہے کہ ’’ یہ کیا ہورہا ہے‘‘ ؟۔
Ye kya ho raha hai? ???????????? pic.twitter.com/Lxob4hJALk
— Babar Azam (@babarazam258) May 30, 2023
واضح رہے کہ گزشتہ دنوں بابراعظم اور محمد رضوان نے ہارورڈ بزنس اسکول کے پروگرام کا حصہ بنے تھےاور وہ یہ اعزاز پانے والے پہلے پاکستانی کرکٹرز ہیں۔دونوں کرکٹرز 31 مئی سے 3 جون تک امریکی ریاست بوسٹن میں ہارورڈ بزنس اسکول کیمپس کی کلاسز میں شرکت کریں گے جہاں وہ انٹرٹینمنٹ، میڈیا اور اسپورٹس تعلیم حاصل کریں گے۔