پاکستان اور افغانستان کے درمیان ون ڈے سیریز کا شیڈول سامنے آگیا

ایک نیوز :پاکستان اور افغانستان کے درمیان تین ون ڈے انٹرنیشنل میچوں کی سیریزکا شیڈول سامنے آگیا۔
تفصیلات کے مطابق افغانستان کرکٹ بورڈ نے اس سیریز کی تصدیق کردی ہے۔ ذرائع کے مطابق 22 سے 26 اگست تک یہ سیریز سری لنکا میں کھیلی جائے گی۔ یہ سیریز فیوچر ٹور پروگرام کا حصہ ہے۔ پہلا ون ڈے انٹرنیشنل 22 اگست کو ہمبنٹوٹا میں کھیلا جائے گا۔ دوسرا ون ڈے بھی 24 اگست کو ہمبنٹوٹا میں ہوگا جبکہ کولمبو 26 اگست کو تیسرے اور آخری ون ڈے انٹرنیشنل کی میزبانی کرے گا۔ 
یاد رہے کہ پاکستان اسوقت آئی سی سی کی عالمی ون ڈے رینکنگ مین دوسرے نمبر پر ہے جبکہ افغانستان کا نمبر آٹھواں ہے۔ پاکستانی ٹیم سترہ اگست کو سری لنکا پہنچے گی اور انیس سے اکیس اگست تک ہمبنٹوٹا میں ٹریننگ کرے گی۔ ٹیم 27 اگست کو وطن واپس روانہ ہوگی۔