ایک نیوز:چین کے نائب وزیر اعظم ہی لیفنگ کاکہنا ہے کہ ی پیک دونوں ممالک کے درمیان اہم منصوبہ ہے۔خطے میں ترقی کے نئے دور کا آغاز ہوا، پاک چین دوستی ہمالیہ سے بلند اور سمندر سے گہری ہے۔
اسلام آباد میں چین پاکستان اکنامک کوریڈور کی 10 سالہ تقریب سےخطاب کرتے ہوئےچین کے نائب وزیراعظم ہی لیفنگ کاکہنا تھاکہ سی پیک کی دس سالہ تقریب میں شرکت سے خوشی ہوئی،سی پیک بیلٹ اینڈ روڈ منصوبے کاحصہ ہے، اور دونوں ممالک کے درمیان فلیگ شپ منصوبے ہے۔سی پیک نے دونوں ممالک کے مفاد کو نئی جلا بخشی ہے، اوریہ منصوبہ پاک چین دوستی کے نئے دور کا آغاز ہے،دونوں ممالک کے درمیان دوستانہ اور تاریخی تعلقات ہیں، پاکستان ، چین اچھے پڑوسی ،دوست اور پارٹنر ہے۔
ہی لیفنگ کامزیدکہنا تھاکہ سی پیک کے تحت پاکستان میں سڑکوں کے جال بچھائے گئے، اور جاری منصوبے دونوں ممالک کے باہمی اعتماد کا مظر ہیں، سی پیک کے تحت اربن ریلوے، فائبرآپٹیکل کے منصوبوں کو عمل جامہ پہنائیں گے،دوسرے مرحلے میں طویل مدتی منصوبوں کا آغاز ہوگا۔
وزیراعظم شہبازشریف کاکہنا تھاکہ آج کا دن دونوں ممالک کیلئے بہت یاد گار ہے، چین نے ترقی کا سفرہمت اور لگن سے طے کیا، اپریل 2015 میں چینی صدر شی جن پنگ نے پاکستان کا دورہ کیا، اورپاکستان کو سی پیک کا تحفہ دیا، جس سے چین پاکستان دوستی میں نئے دور کا آغاز ہوا۔ سی پیک کے تحت بہت سے منصوبوں کو وقت سے پہلے مکمل کیا،چند منصوبوں پر کام جاری ہے ، جو تکمیل کے مراحل میں ہیں۔ پاکستان میں توانائی بحران پر قابو پانے میں سی پیک نے اہم کردار ادا کیا،اور توانائی بحران پر قابو پانے سے پاکستان کی برآمدات میں اضافہ ہوا۔
وزیر اعظم کاکہنا تھاکہ سی پیک کے تحت پاکستان میں 25 ارب ڈالر کی سرمایہ کاری ہوئی، اور لاکھوں بے روزگار افراد کو سی پیک کے تحت روز گار ملا۔ذوالفقار علی بھٹونے پاک چین دوستی میں اہم کردارادا کیا۔