ایک نیوز : ثانیہ مرزا اور شعیب نے طلاق کا حتمی فیصلہ کرلیا۔ پاکستانی کرکٹ ٹیم کے سابق کپتان شعیب ملک نے اپنا انسٹاگرام بائیو تبدیل کیا ہے۔ جس میں انہوں نے اپنے بائیو سے ثانیہ مرزا کا نام ہٹا دیا ہے،
یادرہے ثانیہ مرزا اور شعیب ملک کی شادی 2010 میں ہوئی تھی۔ ثانیہ مرزا بھارتی ٹینس کھلاڑی ہیں جبکہ شعیب ملک پاکستان کے لیے کرکٹ کھیل چکے ہیں۔ دونوں کی طلاق کے چرچے کافی عرصے سے چل رہے تھے۔ جس کی وجہ سے شعیب ملک اور ثانیہ مرزا کافی بحث کا موضوع رہے
شعیب اور ثانیہ شادی کے 8 سال بعد والدین بن گئے تھے۔ 2018 میں ثانیہ نے بیٹے کو جنم دیا جس کا نام اذہان مرزا ملک ہے۔ بیٹا ہونے کے بعد بھی کئی رپورٹس کے مطابق ان کے درمیان تعلقات ٹھیک نہیں رہے جس کے بعد دونوں نے علیحدگی کا فیصلہ کیا ہے۔
ثانیہ مرزا ٹینس کی اسٹار کھلاڑی رہ چکی ہیں لیکن وہ کرکٹ میں بھی بہت دلچسپی رکھتی ہیں۔ گزشتہ ماہ انہوں نے اپنے ایک بیان میں کہا تھا کہ اگر میں لڑکا ہوتی تو کرکٹ کھیلتی۔ 36 سالہ ثانیہ نے چند روز قبل ٹینس سے ریٹائرمنٹ کا اعلان کیا تھا۔