ایک نیوز نیوز: ملک بھر میں گزشتہ 24 گھنٹوں کے دوران کرونا کیسز کی شرح29. 3 فیصد رہی جبکہ وائرس کا شکار مزید1شخص انتقال کرگیا،مجالس اور جلوس میں ماسک پہننے کی ہدایات جاری کردی۔
قومی ادارہ برائے صحت کی جانب سے جاری اعداد وشمار کے مطابق گزشتہ 24 گھنٹوں کے دوران ملک میں کرونا کے 20ہزار 80 ٹیسٹ کیے گئے جن میں سے 661افراد میں کرونا کے مثبت کیسز رپورٹ ہوئے۔
این آئی ایچ کے مطابق 24 گھنٹوں کے دوران مزید1 شخص کرونا سے انتقال کرگیا جبکہ اس وقت ملک میں 171 افراد کی حالت تشویشناک ہے۔
دوسری جانب محرم الحرام کا چاند نظر آگیا ہے جس کے پیش نظر قومی ادارہ برائے صحت نے محرم الحرام سے متعلق بھی ہدایات جاری کردی ہیں۔
ہدایت نامے میں کہا گیا ہے کہ کرونا ایس او پیز پر عمل کرنا خود کو کرونا سے محفوظ رکھنے کا ایک واحد طریقہ ہے لہٰذا ماسک پہنیں، سماجی دوری رکھیں اور ویکسین لگوائیں۔