ایک نیوز:کیبنٹ سیکرٹری سردار احمد نواز سکھیراریٹائرڈ ہوگئے۔بہترین خدمات پر ہلال پاکستان کے اعزاز سے بھی نوازا گیا۔
Farewell call on the Hon’able President of Pakistan.
— Ahmad Nawaz Sukhera (@ansukhera) January 31, 2023
Was an honor & privilege serving with u, Sir!@ArifAlvi @PresOfPakistan pic.twitter.com/C3K41l6o90
کیبنٹ ڈویژن کےمطابق سردار احمد نواز سکھیرا نے پاکستان ایڈمنسٹریٹیو سروس میں 38 سال خدمات سر انجام دیں۔ سردار احمد نواز سکھیرا گزشتہ تین سال سے بطور سیکریٹری کیبنٹ خدمات سر انجام دے رہے تھے۔ سردار احمد نواز سکھیرا وفاقی حکومت کے سب سے سینئر سیکرٹری شمار ہوتے ہیں۔ اپنے کیریئر کے دوران 23 مختلف حکومتوں کے ساتھ کام کیا۔
سردار احمد نواز سکھیرا وزارت اطلاعات و نشریات ، وزارت تجارت و ٹیکسٹائل ، بورڈ آف انویسٹمنٹ ، ، وزارت تعلیم اور وزارتِ نجکاری میں بطور سیکریٹری تعینات رہے۔سردار احمد نواز سکھیرا کو حال ہی میں پنجاب کی نگران وزارت اعلیٰ کے لیے بھی نامزد کیا گیا تھا۔
دریں اثنا کیبنٹ سیکرٹری سردار احمد نواز سکھیراریٹائرڈ نے ریٹائرمنٹ پر صدر مملکت عارف علوی سے ملاقات بھی کی۔صدر نے احمد نواز سکھیرا کوخدمات پرخراج تحسین پیش کیا۔