ایک نیوز : پاکستانیوں میں مقبول ترین جنوبی کورین بینڈ بی ٹی ایس کی فلم ’’ییٹ ٹو کم‘‘ کل پاکستان کے سینما گھروں میں ریلیز کی جائے گی۔
فوٹو شیئرنگ پلیٹ فارم انسٹاگرام کے ذریعے سینما چین سنے پیکس نے بی ٹی ایس کی فلم کا پوسٹر ریلیز کرتے ہوئے آگاہ کیا کہ فلم یکم فروری 2023 کو پاکستانی سینما گھروں میں دکھائی جائے گی۔
گزشتہ برس اکتوبر کے دوران کورین بینڈ بی ٹی ایس نے بوسن میں کنسرٹ کرکے اپنے ورلڈ ایکسپو ایونٹ کی تشہیر کی جو جنوبی کوریا میں 2030 کو ہونے والا ہے۔
بوسن میں مفت کنسرٹ کا نام’’ بی ٹی ایس ییٹ ٹو کم‘‘ رکھا گیا تھا جس کیلئے کم و بیش 52 ہزار افراد اسٹیڈیم میں چلے آئے جبکہ مذکورہ کنسرٹ بی ٹی ایس کی عسکری انلسٹمنٹ سے قبل آخری براہِ راست کارکردگی تھی جسے ہزاروں شائقین نے دیکھا۔
بی ٹی ایس کورین لڑکوں کا ایک پاپ بینڈ ہے جس میں 7 اراکین شامل ہیں بینڈ کا قیام 2010 میں ہوا اور اس کی مارکیٹنگ ہٹ انٹرٹینمنٹ کے ذمے ہے۔
کورین بینڈ کے پہلے البم کی ریلیز کو کم و بیش 10 سال گزر گئے جس کے دوران بینڈ نے عالمی سطح پر بے مثال شہرت حاصل کی، کئی ریکارڈز توڑے اور کورین پاپ موسیقی کو عالمی سطح پر لانے میں اپنا کردار ادا کیا۔
View this post on Instagram