ویب ڈیسک:برفباری میں منگنی کی فوٹو شوٹ کرانے والے امریکی جوڑے کی انگوٹھی برف میں کھو گئی۔
کیلیفورنیا سے تعلق رکھنے والی 33 سالہ کِم زو اور فِل موئی یوٹاہ کے پارک سٹی میں منگنی کی فوٹو شوٹ میں مصروف تھے جب فوٹوگرافر سبرینا بوہلکے نے زو کی انگلی سے ان کی انگوٹھی کو غائب دیکھا۔
فِل موئی کا کہنا تھا کہ فوٹو شوٹ کو 10 منٹ ہی گزرے تھے کہ انگوٹھی کھو گئی، ان دونوں کو مایوسی ہو رہی تھی۔
جوڑا، فوٹوگرافر اور متعدد راہگزر دو گھنٹوں تک برف میں انگوٹھی ڈھونڈتے رہے، پارک سٹی اسکی پیٹرول مدد کیلئے میٹل ڈیٹیکٹر لے کر آیا لیکن بالآخر فِل موئی کو برف میں چمکتی ہوئی مل گئی۔
کِم زو نے بتایا کہ جیسے ہی انگوٹھی فل کو ملی تو وہ چیخا ’مجھے مل گئی‘ اور وہ خوشی سے رونے لگیں۔