ایک نیوز :پرتگال کے 37 سالہ اسٹار فٹبالر کرسٹیانو رونالڈوسے معاہدہ کرتے ہی النصر کلب کےفالورز کی تعداد میں کئی گنا اضافہ ہوگیا۔
تفصیلات کےمطابق پرتگال کے 37 سالہ اسٹار فٹبالر کرسٹیانو رونالڈونے سعودی عرب کے فٹبال کلب النصر سے معاہدہ کرلیا ہے۔رپورٹس کے مطابق النصر فٹبال کلب رونالڈو کو ہر سال ساڑھے 7 کروڑ ڈالر ادا کرے گا۔
النصر فٹبال کلب کی جانب سے اس اعلان کے کچھ ہی دیر بعد اس کے انسٹاگرام اکاؤنٹ پر فالوورز کی تعدادکئی گنا بڑھ گئی ۔النصرکلب کی انسٹاگرام پر فالوورز کی تعداد 8 لاکھ 60 ہزار تھی جب رونالڈو نے معاہدہ کیا صرف ایک گھنٹے کے اندرفالورزکی تعداد 16 لاکھ سے بڑھ گئی ہے۔کچھ دیر قبل تک النصرکلب کے فالورز کی تعداد چار ملین سے بھی بڑھ چکی تھی ۔
دوسری جانب سعودی فٹبال کلب نے کرسٹیانو رونالڈو کو جو جرسی دی اس کی تصاویر سامنے آنے کے بعد مداحوں کی بڑی تعداد نے بھی یہی جرسی خریدنا شروع کردیں ہیں۔
واضح رہے کہ کرسٹیانو رونالڈو کے انسٹا گرام پر فالوورز کی تعداد پانچ سوملین سے بھی زیادہ ہے ۔یہ کسی بھی انسٹاگرام اکاؤنٹ کے پاس سب سے زیادہ فالوورز رکھنے کا اعزاز بھی ہے۔