ایک نیوز: معروف کورین اداکار لی جونگ سک اور معروف گلوکارہ آئی یو نے ایک دوسرے کیساتھ رشتہ کی تصدیق کر دی ہے۔
رپورٹ کے مطابق مشہور پاپ گلوکارہ آئی یو اور اداکار لی جونگ سک ایک دوسرے کو ڈیٹ کررہے ہیں۔دونوں ستارے تقریباََ چار ماہ سے ایک دوسرے کو ڈیٹ کررہے ہیں۔ دونوں ستاروں کی ملاقات 10 سال قبل ہوئی تھی اور وہ ایک دوسرے کے اچھے دوست تھے لیکن اب یہ دوستی محبت کے رشتے میں بدل چکی ہے۔
ڈسپیچ کی جانب سے یہ دعویٰ بھی کیا گیا ہے کہ لی جونگ سک اور آئی یو نے رواں سال کرسمس بھی ساتھ منایا تھا اور گلوکارہ نے رواں سال ہونے والی اداکار کے بھائی کی شادی میں بھی شرکت کی تھی۔
IU and Lee Jongsuk are reportedly dating. pic.twitter.com/2nxgQlscga
— Pop Base (@PopBase) December 31, 2022
ڈسپیچ کوریا کے سب سے بڑے پاپرازی میڈیا اور مشہور شخصیات کے رومانس کے بارے میں انکشاف کر تا ہے اور تمام کوریائی مشہور شخصیات کے بارے میں تیز ترین بریکنگ نیوز، گپ شپ اور مزید معلومات فراہم کرتا ہے۔