پاک فوج کے شعبہ تعلقات عامہ(آئی ایس پی آر) کے مطابق سکیورٹی فورسز کی جانب سے ٹانک اور میر علی میں آپریشن کیا گیا جس دوران فائرنگ کا تبادلہ ہوا،فائرنگ کے تبادلے میں 4 جوان بھی شہید ہو گئے ، شہدا میں حوالدار منور،سپاہی ذکاء اللہ، فرحان اورسپاہی شیرازشامل ہیں۔
آئی ایس پی آر کے مطابق دہشت گردوں کی شناخت شاہ زیب عرف ذاکر اور دانیال کے نام سے ہوئی،دہشت گرد سکیورٹی فورسز کے خلاف دہشت گردی کی سرگرمیوں، ٹارگٹ کلنگ اور اغوا برائے تاوان میں ملوث تھے۔