وزیراعلیٰ پنجاب کی ہدایت پر ہونہار سکالر شپ پروگرام کی رجسٹریشن شروع

ایک نیوز: وزیراعلیٰ پنجاب مریم نوازشریف نے ایک اور وعدہ پورا کردیا، وزیراعلیٰ پنجاب مریم نواز کی ہدایت پر ہونہار سکالر شپ پروگرام کی رجسٹریشن شروع ہو گئی۔
عالمی جاب مارکیٹ کے تقاضوں کے مطابق ہونہار سکالر شپ پروگرام کے تحت 68ڈسپلنز میں سالانہ 30ہزارطلبہ کو سکالر شپ دیا جائے گا، 50پبلک سیکٹر یونیورسٹیز،16میڈیکل کالجز اور131گریجوا یٹ کالجز کے طلبہ کو ہونہار سکالر شپ دیا جائے گا۔
  ہونہار سکالر شپ لمز، فاسٹ،کامسٹ، نسٹ،غلام اسحاق خان انسٹی ٹیوٹ اور 7مزید ٹاپ پرائیویٹ یونیورسٹیز کے طلبہ کو دیا جائے گا ، ہونہار سکالر شپ پروگرام کے تحت 8سال میں 130ارب روپے کے وظائف فراہم کئے جائیں گے ، ہونہار سکالر شپ پروگرام سے آئندہ 4سالو ں میں ایک لاکھ 20ہزار طلبہ مستفید ہوں گے طلبہ Honhaarscholarship.punjabhec.gov.pk پر اپلائی کر سکتے ہیں ۔
مریم نواز کا کہنا تھا کہ الحمدللہ اپنی پہلی تقریر میں کیا ایک اور وعدہ پورا کردیا،ہونہار سکالرشپ پروگرام کاآغاز اہم سنگ میل ہے،ہونہار سکالرشپ پروگرام مستحق اور ہونہار طلبہ کے لئے معیاری تعلیم تک رسائی یقینی بنائے گا، ہونہار سکالر شپ پروگرا م اعلیٰ تعلیم کےلئےذہین طلبہ کی مالی رکاوٹو ں کو ختم کرے گا۔