ایک نیوز: ادارہ ماحولیات پنجاب کی جانب سے لاہور میں گرین لاک ڈاؤن لگانے کا نوٹیفکیشن جاری کردیاگیا۔
ڈی جی ماحولیات پنجاب عمران حامد شیخ کے مطابق بڑھتی ہوئی سموگ اور فضائی آلودگی کوکم رکھنے کیلئے پنجاب حکومت نے یہ اقدام اٹھایا ہے ۔
ترجمان ادارہ ماحولیات پنجاب ساجد بشیر کےمطابق ڈیوس روڈ ، ایجرٹن روڈ ، ڈیورنڈ روڈ اور کشمیر روڈ ،شملہ پہاڑی سے گلشن سینیما اور ایبٹ روڈ کو ہاٹ سپاٹ ایریا میں شامل کیا گیا ہے،شملہ پہاڑی سے ریلوے اسٹیشن اور ایمپریس روڈ بھی ہاٹ سپاٹ ایریا ڈکلئیر کردئیے گئے ،کوئین میری روڈ اور اس کے اطراف کو بھی آلودگی والے علاقوں میں شامل کیا گیا ہے ۔
ترجمان ادارہ ماحولیات کےمطابق ان علاقوں میں تعمیراتی کاموں پر مکمل طور پر پابندی ہوگی ،کمرشل جینریٹرز ان علاقوں میں نہیں چلائے جائیں گے ،چنگ چی رکشہ کاان علاقوں میں جانا سختی سے بند رہے گا ،اوپن باربی کیو پر رات آٹھ بجے کے بعد بین ہوگا ، محکمہ ما حولیات نے گرین لاک ڈاؤن لگانے کا نوٹیفکیشن جاری کردیا۔