ایک نیوز:آئی سی سی چیمپئنز ٹرافی سے قبل نیشنل بینک کرکٹ سٹیڈیم کراچی کی اپ گریڈیشن جاری ہے۔
نیشنل بینک کرکٹ سٹیڈیم اپ گریڈیشن پراجیکٹ تیزی سے آگے بڑھنے لگا ،چیئرمین پاکستان کرکٹ بورڈ محسن نقوی نےنیشنل بینک کرکٹ سٹیڈیم کراچی کا دورہ کیا، محسن نقوی نے پراجیکٹ پر پیش رفت کاجائزہ لیا ،سٹیڈیم میں جاری تعمیراتی کاموں کا معائنہ کیا ، محسن نقوی نے سکور سکرین کو مناسب جگہ نصب کرنے کی ہدایت کی۔
انہوں نے کہا کہ سکور سکرین کی وجہ سے شائقین کرکٹ کو میچز دیکھنے میں مشکل پیش آتی ہے، سکرین کو اونچائی پر نصب کیا جائے تاکہ شائقین کو کسی قسم کی دشواری کا سامنا نہ کرنا پڑے،شائقین کرکٹ کی سہولت کیلئے پارکنگ ایریا کو سٹیڈیم کے قریب کرنے کی ہدایت، اپ گریڈیشن پراجیکٹ پر کام مزید تیز کیا جائے۔
محسن نقوی کا کہنا تھا کہ دن رات ایک کر کے منصوبے کو وقت دے قبل مکمل کیا جائے، دنیائے کرکٹ کی ٹاپ ٹیمیں چیمپئنز ٹرافی ٹورنامنٹ کے لئے آ رہی ہیں،پاکستان کے لئے چیمپئنز ٹرافی کا انعقاد ایک اعزاز ہے۔
کیپشن: Mohsin Naqvi visited Karachi Cricket Stadium, inspected the construction works