ایک نیوز :ورلڈ کپ کے میچز جاری،قومی کرکٹ ٹیم اپنا 7واں میچ کل بنگلہ دیش کیخلاف کھیلے گی ۔
قومی کھلاڑیوں نے کوچنگ سٹاف کی زیر نگرانی کولکتہ کے ایڈن گارڈن سٹیڈیم میں بھرپور پریکٹس سیشن میں حصہ لیا، کھلاڑیوں نے بیٹنگ، باولنگ اور فیلڈنگ کے بھرپور سیشن کئے۔
بھارت میں جاری عالمی کپ مقابلوں میں پاکستان ٹیم 6میچوں میں سے2میں کامیاب اور 4میں ناکامیوں کا منہ دیکھ چکی ہے ۔ پاکستان ورلڈ کپ میں نیدرلینڈز اور سری لنکا کے خلاف کامیاب رہی ہے جبکہ بھارت، آسٹریلیا، افغانستان اور جنوبی افریقہ کے ہاتھوں اسے شکستوں کا سامنا رہا ہے۔
واضح رہے کہ پاکستان اور بنگلہ دیش کے درمیان اب تک 38 ایک روزہ انٹرنیشنل میچز کھیلے جا چکے ہیں پاکستان نے 33 اور بنگلہ دیش نے 5 میچز میں کامیابی سمیٹ رکھی ہے، ورلڈ کپ میں دونوں ٹیمیں تیسری مرتبہ آمنے سامنے ہونگی۔ ایک میچ پاکستان اور ایک میچ بنگلہ دیش نے جیت رکھا ہے۔ ۔