ویب ڈیسک:شادی کےانوکھےاندازاپناناآج کل رواج بن گیاہےکبھی شادی میں موبائل یاتحائف کی تقسیم اورکبھی مہنگی گاڑی پربھارت لیکرجاناہرکسی کی کوشش ہوتی ہےشادی یادگاربن جائے۔
تفصیلات کےمطابق کبھی طویل ہار اور کبھی ہیلی کاپٹر میں بارات کی صورت رشتہ ازدواج میں منسلک ہونے والے ہر جوڑے کی کوشش ہوتی ہے کہ ان کی شادی ان کے ساتھ ساتھ ہر ایک کے لیے یاد گار بن جائے۔
سوشل میڈیا پر وائرل شادی کے ایک دعوت نامے نے اپنے منفرد تھیم کے سبب ہر ایک کی توجہ حاصل کر لی۔
رشتۂ ازدواج میں منسلک ہونے والے بنگلا دیشی جوڑے نے شادی کے دعوت نامے کے لیے ریسرچ پیپر تھیم کا انتخاب کیا ہے۔
سماجی رابطے کی ویب سائٹ ایکس(سابقہ ٹوئٹر) پر ریان ڈیفینٹلی نامی اکاؤنٹ سے تحقیقی مقالے کی انوکھی تھیم پر مبنی شادی کا دعوت نامہ شیئر کیا گیا ہے۔
Still can't believe that this is a wedding invitation card ???????? pic.twitter.com/DeOD2L8dOo
— rayyan definitely | Booktwt stan (@rayyanparhlo) November 25, 2023
سوشل میڈیا پر شیئر کیے گئے دعوت نامے کی تصویر سے معلوم ہوتا ہے کہ یہ کارڈ سنجنا تبسم سنیہا اور مہجب حسین ایمان نامی جوڑے کا ہے۔
اس کارڈ میں شادی کی اہمیت پر ایک خلاصہ بھی شامل کیا گیا ہے اور ساتھ ہی ایک قرآنی آیت حوالے کے ساتھ لکھی گئی ہے۔
ریان ڈیفینٹلی نامی صارف نے اپنی پوسٹ کے کپشن میں لکھا ہے کہ ”ابھی تک یقین نہیں آ رہا کہ یہ شادی کا دعوت نامہ ہے“۔
حال ہی میں سوشل میڈیا پر شیئر کی گئی مذکورہ پوسٹ کو اب تک 3.4 ملین سے زائد صارفین کی توجہ حاصل کر چکی ہے جبکہ 69 ہزار سے زائد صارفین نے اسے پسند کیا اور اس پر تبصرہ کرتے ہوئے اپنے خیالات سے بھی آگاہ کیا ہے۔