ایک نیوز نیوز: انگلینڈ کرکٹ ٹیم کے کھلاڑیوں اور آفیشلز کی طبیعت ناساز ہونے کے باعث راولپنڈی کرکٹ اسٹیڈیم میں ہونے والا پہلا ٹیسٹ میچ التوا کا شکار ہونے کاا مکان ہے۔
ذرائع کے مطابق انگلش ٹیم کے کم از کم 14 کھلاڑی اور آفیشلز کی طبیعت ناسازہے اور ان کو فوڈ پوائزن کی شکایت ہے جس وجہ سے انگلینڈ کے پاس 11 فٹ کھلاڑی دستیاب نہیں ہیں۔ پاکستان کرکٹ بورڈ اور انگلینڈ کرکٹ بورڈ میں اس حوالے سے بات چل رہی ہے جس کے باعث جمعرات کے روز پہلا ٹیسٹ شروع ہونے کے امکانات نہیں ہیں۔
پی سی بی کا کہنا ہے اس حوالے سے آئی سی سی کو بھی آگاہ کردیا جائے گا لیکن یہ دونوں بورڈز کا معاملہ ہے پاکستان اور انگلیںڈ کرکٹ بورڈ میں بات چیت کے بعد اس حوالے سے باضابطہ اعلان کردیا جائے گا۔ پاکستان کرکٹ بورڈ پہلے ٹیسٹ کی تمام ٹکٹیں فروخت کرچکا ہے جس کے باعث بورڈ کو تمام معاملات طے کرنا ہیں۔
واضح رہے کہ دورہ پاکستان پر آنے والی انگلش ٹیم اپنا شیف ساتھ لائی ہے لیکن ان کے شیف کی طبیعت بھی ناساز ہے۔