کاکول اکیڈمی میں قومی کرکٹرز کی تیسرے روز بھی فزیکل ٹریننگ

ایک نیوز: پاکستان کرکٹ ٹیم کے کھلاڑیوں نے کاکول کیمپ میں تیسرے روز بھی بھرپور فیزیکل ٹریننگ میں حصہ لیا۔
افواجِ پاکستان کے جوانوں کی سرپرستی میں قومی کرکٹرز کا فیزیکل ٹریننگ کیمپ آرمی اسکول آف فیزیکل ٹریننگ سینٹر ایبٹ آباد میں جاری ہے۔
کیمپ کے تیسرے روز ریمپ پر فیزیکل ٹریننگ اور رننگ کے ساتھ ساتھ کھلاڑی مختلف کھیلوں میں بھی مشغول رہے۔ 
 پی سی بی کی جانب سے جاری ویڈیو میں کھلاڑیوں کو خوشگوار ماحول میں ٹریننگ کرتے دکھایاگیا۔
 آل راؤنڈر شاداب خان نے کہا کہ روزے کی حالت میں ٹریننگ تھوڑی سی مشکل لگتی ہے۔
  فاسٹ بولر حارث رؤف کا کہنا تھا کہ افواج پاکستان کی خدمت کرنے کا خواب دیکھا تھا، اب فوج کے جوانوں کے ہمراہ ٹریننگ کررہاہوں۔