پی ڈی ایم ٹوٹ پھوٹ کا شکار، وزیر اعظم نے زرداری سے مدد طلب کرلی

پی ڈی ایم ٹوٹ پھوٹ کا شکار، وزیر اعظم نے زرداری سے مدد طلب کرلی
ایک نیوز نیوز: عوامی نیشنل پارٹی نے وفاقی حکومت سے علیحدگی پر غور شروع کردیا ہے۔ وزیراعظم شہباز شریف نے معاملات کے حل کے لیے اصف زرداری سے مدد مانگ لی ہے۔
ایمل ولی خان کی زیرصدارت اے این پی کی مرکزی قیادت کا اجلاس ہوا ہے جس میں اے این پی رہنماؤں نے حکومت سے علیحدگی کی تجویز دی ہے۔ ایمل ولی خان نے حتمی فیصلوں کے لئے مرکزی قیادت کا اجلاس عید کے بعد طلب کرلیا ہے۔ دوسری طرف وزیراعظم شہباز شریف آج سابق صدر آصف زرداری اور چیئرمین پیپلز پارٹی بلاول بھٹو کےاعزازمیں ظہرانہ دیں گے۔ ظہرانہ میں ملک کی سیاسی صورتحال پرمشاورت ہوگی۔ جس میں ایم کیوایم کےخدشات پربات چیت متوقع ہے۔ وزیراعظم پیپلز پارٹی سے ایم کیو ایم کے خدشات دور کرنے اور ان کے مطالبات ماننے کی درخواست کرینگے۔ چیئرمین نیب کی تقرری سمیت حکومتی امورپربات چیت بھی کی جائے گی۔ وزیراعظم اور آصف زرداری کی ملاقات کے بعد اتحادیوں کے ساتھ مشترکہ ملاقات بھی چند روز میں ممکن ہے۔










شیئر کریں:

Hasan Moavia