چودھری شجاعت کو پارٹی سے نکالنے کا معاملہ، بیٹے چودھری سالک نے بڑا بیان دیدیا

چودھری شجاعت ،پارٹی ،نکالنے کا معاملہ، بیٹے ،چودھری سالک ،بڑا بیان
کیپشن: چودھری سالک نے چودھری شجاعت ککو پارٹی سے نکالنے پر ردعمل دیا ہے۔

ایک نیوز نیوز: گزشتہ دنوں مسلم لیگ ق کی سینٹرل ورکنگ کمیٹی کا اجلاس ہوا تھا جس میں پارٹی کے سربراہ چودھری شجاعت حسین کو صدارت سے الگ کرنے کا فیصلہ کیا گیا تھا۔

تاہم اس اجلاس پر ان کے چھوٹے بھائی چودھری شفاعت نے بھی اعتراض کیا تھا۔ اب چودھری شجاعت کے بیٹے و وفاقی وزیر چودھری سالک حسین نے بھی ردعمل کا اظہار کیا ہے۔ چودھری سالک کا کہنا تھاکہ چودھری شجاعت کو پارٹی سے نکالنے کی بات کرنا اپنی ذہنی حالت بتانے کے مترادف ہے۔

انہوں نے کہا کہ چودھری شجاعت نے ملکی مفاد پر ذاتی مفاد کو ترجیح دینے کے بجائے اور فرد واحد کو نوازنے کے بجائے سیاسی شعور کے مطابق ملک و قوم کو انتشار سے بچانے کا فیصلہ کیا۔

ان کا کہنا تھاکہ چودھری شجاعت کی ذہنی صحت غلامانہ ذہنیت سےکہیں زیادہ بہتر ہے۔

شیئر کریں: