وفاقی حکومت نے توشہ خانہ کا مزید ریکارڈپبلک کردیا 

ایک نیوز: وفاقی حکومت نے توشہ خانہ کا مزید ریکارڈپبلک کردیا ،کابینہ ڈویژن نے مارچ 2023 سے 31 دسمبر2024 اور1997سے لیکر 2001 تک کا توشہ خانہ ریکارڈ جاری کردیا ہے۔
 اس سے قبل 2023میں 2002سے2 مارچ 2023 تک کا توشہ خانہ ریکارڈ جاری کیا گیا تھا، 1997 سے لیکر 2001تک کے ریکارڈ کے مطابق نواز شریف،شہباز شریف، پرویز مشرف ، رفیق تارڑ کے نام تحائف لینے والوں میں شامل ہیں،چوہدری نثار، گوہر ایوب ، اسحاق ڈار اور خواجہ آصف کے نام شامل ہیں،چوہدری شجاعت، شیخ رشید، تہمینہ دولتانہ، عابدہ حسین اور سعید مہدی سمیت کئی بیوروکریٹس اور سیاست دانوں کے نام فہرست کاحصہ ہیں۔
بلاول بھٹو،عارف علوی،انوارالحق کاکڑ، قاضی فائز عیسی ،آصفہ بھٹو،سینیٹر طلحہ محمود اورطارق فاطمی کو بھی تحائف ملے، بیشتر شخصیات نے تحائف توشہ خانہ میں جمع کرادیے ، بطور وزیر اعظم نواز شریف کو 1998 میں 17 لاکھ 21ہزار250روپےمالیت کےتحائف ملے، نواز شریف نے 2 لاکھ 59 ہزار 151 روپے کی رقم ادا کرکے تحائف رکھ لیے۔
 نواز شریف نے ڈائمنڈ جیولری سیٹ حاصل کیا،نواز شریف ایک اور جیولری سیٹ اور گھڑی اپنے پاس رکھی، نواز شریف نے گولڈ لیڈیز واچ حاصل کی، بطور وزیراعلیٰ پنجاب شہباز شریف کو1998 میں13لاکھ 15 ہزار366 روپےتحائف ملے، شہبازشریف نےایک لاکھ98ہزار 544 روپے ادا کرکے تحائف رکھ لیے۔
 شہبازشریف نے18کیرٹ گولڈ گھڑی، ایک قہوہ سیٹ ،جنٹس اور لیڈیز واچ رکھ لیں، بطورچیف ایگزیکٹوجنرل پرویز مشرف نےایک ٹی وی سیٹ،ایک باول مفت حاصل کیا، جنرل مشرف نے ایک گھڑی،ایک خنجر، قہوہ پاٹ رقم ادا کرکے حاصل کیے، جنرل مشرف کوتحفے میں ملنے والا ایرانی کارپٹ اور ریپلکا فالکن نیلام کیے گئے۔ 
بطور صدر رفیق تارڑ نےدرجنوں تحائف مفت یا رقم اداکرکے رکھے، اسحاق ڈار نے دو گلاسزکا تحفہ رقم ادا کرکے رکھ لیا،اسحاق ڈار نے پاکٹ واچ کا تحفہ توشہ خانہ میں جمع کرایا، شیخ رشید نے ایک قہوہ سیٹ ،دو ٹائیز اور بریف کیس رکھا۔