مکیش امبانی کے بیٹے کی منگنی، شوبز ستاروں نے تقریب کو چار چاند لگادیے

مکیش امبانی کے بیٹے کی منگنی، شوبز ستاروں نے تقریب کو چار چاند لگادیے
کیپشن: Mukesh Ambani's son's engagement, showbiz stars graced the occasion(file photo)

ایک نیوز: بھارت کی مشہور کاروباری شخصیت مکیش امبانی نے اپنے چھوٹے بیٹے کی منگنی کروادی۔

بھارتی میڈیا کا اس حوالے سے کہنا ہے کہ نیتا امبانی اور مکیش امبانی کے چھوٹے بیٹے آننت امبانی کی رادھیکا مرچنٹ سے منگنی کی تقریب منعقد کی گئی۔

مکیش امبانی کے چھوٹے بیٹے آننت امبانی کی منگنی کی تقریب کا انعقاد راجستھان کے شری ناتھ جی مندر میں کیا گیا، اس موقع پرامبانی اور مرچنٹ خاندان کے افراد اور دوستوں سمیت شوبز ستاروں نے بھی شرکت کی۔

سوشل میڈیا پر آننت اور رادھیکا کی منگنی کی کچھ تصاویر بھی وائرل ہورہی ہیں۔ جس میں امبانی خاندان کے افراد ایک دوسرے کو مبارکباد دیتے ہوئے نظر آرہے ہیں۔

آننت امبانی کی منگیتر رادھیکا مرچنٹ معروف بھارتی بزنس مین ویرن مرچنٹ کی صاحبزادی ہیں، جنہوں نے نیویارک یونیورسٹی سے سیاست اور معاشیات کی تعلیم حاصل کر رکھی ہے۔

ذرائع کا کہنا ہے کہ 24 سالہ رادھیکا مرچنٹ والد کی کمپنی Encore Healthcare میں بطور ڈائریکٹر خدمات انجام دے رہی ہیں۔

شیئر کریں: