ایک نیوز :توشہ خانہ کیس میں چیئرمین پی ٹی آئی کے ضمانتی مچلکےجمع کرادیئے گئے جس کے بعد رجسٹرارآفس نےچیئرمین پی ٹی آئی کی رہائی کی روبکارجاری کردی۔
گزشتہ روز اسلام آباد ہائیکورٹ نے چیئرمین پی ٹی آئی کی توشہ خانہ کیس میں ضمانت منظور کرتے ہوئے ایک لاکھ روپے کے ضمانتی مچلکے جمع کرانے کا حکم دیا تھا، تاہم گزشتہ روز چیئرمین پی ٹی آئی کی جانب سے مچلکے جمع نہیں کرائے گئے تھے۔توشہ خانہ کیس میں سزا معطلی کے فیصلے کے مطابق ضمانت کے لئے آج چیئرمین پی ٹی آئی کے وکلا نےضمانتی مچلکے جمع کرادیئے ہیں، جس کے بعد اسلام آباد ہائی کورٹ کے رجسٹرار آفس نے چیئرمین پی ٹی آئی کی رہائی کی روبکارجاری کردی ہے۔
ذرائع کا کہنا ہے کہ عدالتی عملہ روبکار لے کر اٹک جیل روانہ ہوگیا ۔