آئی سی سی کا ورلڈکپ کے کمنٹیٹرز پینل کا اعلان

ایک نیوز:انٹرنیشنل کرکٹ کونسل نے آئی سی سی کرکٹ ورلڈکپ کیلئے کمنٹیٹرز کے پینل کا اعلان کر دیا۔
 آئی سی سی ون ڈے ورلڈکپ اگلے ماہ اکتوبر میں بھارت میں کھیلا جائے گا، ایونٹ کا آغاز 5 اکتوبر سے دفاعی چیمپئن انگلینڈ اور فائنلسٹ نیوزی لینڈ کے درمیان احمد آباد میں ہوگا۔آئی سی سی نے ورلڈکپ کیلئے کمنٹیٹرز کے پینل کا اعلان کر دیا ہے جس میں 2 پاکستانی کمنٹیٹرز بھی شامل ہیں۔
آئی سی سی کی جانب سے  اعلان کردہ پینل میں سابق آسٹریلوی کپتان رکی پونٹنگ، انگلینڈ کے اوئن مورگن ، ناصر حسین، آسٹریلیا کے شین واٹسن، ایرون فنچ، میتھیو ہیڈن شامل ہیں۔
سابق کرکٹ لیجنڈز نے ورلڈ کپ کی سیمی فائنلسٹ ٹیموں کے بارے میں پیشگوئی کر دی۔اس کے علاوہ لیزا سٹھالکر، پاکستان کے رمیز راجا اور وقار یونس، بھارت کے روی شاستری ، سنیل گواسکر ، ہرشا بھوگلے، سنجے منجریکر ، دنیش کارتھک ، این اسمتھ اور این بشپ بھی کمنٹری پینل کا حصہ ہوں گے۔
آئی سی سی کی جانب سے اعلان کردہ کمنٹری پینل میں شان پولاک، مائیکل ایتھر ٹن، انجم چوپڑا، سائمن ڈول، مپومیلیلو مبانگوا ، ڈرک نینیز، سیموئیل بدری، اطہر علی خان، رسل آرنلڈ بھی شامل ہیں۔
علاوہ ازیں کیس نائیڈو، مارک نکولز ، نٹالی گرمانوس، مارک ہوورڈ اور این وارڈ بھی ورلڈکپ میں کمنٹری باکس کا حصہ ہوں گے۔