ایک نیوز نیوز: ارشد شریف قتل کیس میں نیا پینڈوراباکس کھل گیا۔
سینئر ترین صحافی حامد میر نے سماجی رابطوں کی ویب سائٹ ٹوئٹر پر ایک ٹوئٹ میں لکھا ہے کہ ' ارشد شریف کے ایک قریبی دوست نے بتایا ہے کہ اس کی اطلاع کے مطابق نہتے ارشد شریف کو گاڑی سے نکال کر نزدیک سے گولیاں ماری گئیں۔ انہوں نے لکھا کہ بعد میں انہیں گاڑی کی نشست پر بٹھا کر سیٹ بیلٹ باندھی گئی، پھر تصویر بنا کر کہا گیا کہ پولیس نے فائرنگ کردی۔
ارشد شریف کے ایک قریبی دوست نے بتایا ہے کہ اسکی اطلاع کے مطابق نہتے ارشد شریف کو گاڑی سے نکال کر نزدیک سے گولیاں ماری گئیں اور بعد میں اسے گاڑی کی نشست پر بٹھا کر سیٹ بیلٹ باندھی گئی پھر تصویر بنا کر کہا گیا کہ پولیس نے فائرنگ کر دی https://t.co/VBOnOAWkMW
— Hamid Mir (@HamidMirPAK) October 29, 2022
یاد رہے کہ سینئر صحافی اور اینکر پرسن ارشد شریف کو کینیا میں قتل کردیا گیا تھا۔ کینیئن پولیس نے شناخت کی غلطی کی بنا پر گولیاں چلانے کا اعتراف کیا تھا۔ ارشد شریف سر میں گولی لگنے کی وجہ سے موقع پر ہی جاں بحق ہوگئے تھے۔ جن کا جسد خاکی بدھ کی صبح ایک بجے کے بعد پاکستان پہنچائی گئی۔ ان کی نمازجنازہ جمعرات کو اسلام آباد میں ادا کی گئی اور انہیں اسلام آباد میں ہی سپردخاک کیا گیا۔