بھارتی ایئر لائن ایئر انڈیا کے جہاز میں پانی ٹپکنے کی ویڈیو وائرل 

Water Leak In Delta Flight & Faulty AC In Air India
کیپشن: Water Leak In Delta Flight & Faulty AC In Air India

ویب ڈیسک:بھارت کی مشہور ایئر لائن ایئر انڈیا کے جہاز میں پانی ٹپکنے کی ویڈیوسوشل میڈیا پر وائرل ہورہی ہے ۔ 
تفصیلات کےمطابق گزشتہ کچھ عرصہ کے دوران فضائی حادثات میں اضافے کے باوجود بھی ایئر لائنز نے اپنے حفاظتی پروٹوکولز میں اضافے کی بجائے نظرانداز کرنا شروع کر دیا ہے جس کی خوفناک مثال سوشل میڈیا پر وائرل ہو تی وہ ویڈیو ہے جس میں جہاز میں سے پانی تیزی سے ٹپک رہا ہے ۔
سوشل میڈیا پرویڈیو تیزی سے وائرل ہو رہی ہے جس میں جہاز میں سے دوران پرواز لیکج کے باعث پانی ٹپک رہاہے اور یہ جہاز کسی اور کا نہیں بلکہ ہمارے ہمسایہ ملک کی ایئر لائن ’ ایئر انڈیا‘ کا ہے ۔


ویڈیو جہاز میں سوار مسافر کی جانب سے بنا کر سوشل میڈیا پر شیئر کی گئی ہے ، جس میں دیکھا جا سکتا ہے کہ عملے کی جانب سے وہ سیٹیں خالی کروا دی گئیں جہاں پر پانی گر رہا ہےجبکہ جہاز زورو شور سے اپنی منزل کی جانب گامزن ہے ۔

واضح رہے کہ یہ پہلی بار نہیں کہ ایئر انڈیا کی پرواز میں خرابی کی ویڈیو وائرل ہوئی ہو ۔ اس سے قبل بھی کئی بار اسی ایئر لائن کی ویڈیوز وائرل ہوچکی ہیں ۔

اس سے قبل ایک وائرل ویڈیو میں دیکھا جاسکتا ہے کہ فلائٹ کا اے سی خراب ہوگیا اور مسافر عملے سے سانس گھٹنے کی شکایت کررہے ہیں  اور ہاتھ سے پنکھا بھی ہلا کرہوا لے  رہے ہیں ۔

شیئر کریں: