ایک نیوز: ترجمان پاک بحریہ کے جاری کردہ بیان کے مطابق پاکستان اور ترکیہ کی اسپیشل نیول فورسز کے مابین مشترکہ مشق "ایلدز-2023" استنبول میں اختتام پذیر ہوگئیں۔
ترجمان کا کہنا تھا کہ 10 دن تک جاری رہنے والی یہ مشق مختلف نوعیت کے روایتی اور غیرروایتی خطرات سے نمٹنے کیلئے مشترکہ آپریشنز پرمشتمل تھی۔ دو طرفہ مشق "ایلدز-2023" کے دوران انسداد دہشت گردی، مغویوں کی بازیابی اور سرچ اینڈ ریسکیو آپریشنز کی مشق کی گئی۔
مشق "ایلدز" پاکستانی اور ترکیہ کی بحری افواج کے مابین باقاعدگی سے منعقد کی جاتی ہے۔ مشترکہ مشق "ایلدز"سے دونوں ممالک کی مابین مشترکہ نیول آپریشنز کو فروغ حاصل ہوگا۔