دنیا کی سب سے کم عمر ذہین بچی،”مینسا“ممبربن گئی

ویب ڈیسک:دوسالہ امریکی بچی اپنی اعلیٰ ذہانت کےذریعےبلندذہانت کی سوسائٹی” مینسا“کی کم عمرممبربن گئی۔
تفصیلات کےمطابق دنیاکی سب سےکم عمروالی بچی نےذہین ہونےپربلندذہانت کی وجہ سے”مینسا“ممبرشپ لےلی۔
 گینیز ورلڈ ریکارڈز کے مطابق امریکی ریاست کینٹکی کے شہر کریسٹ ووڈ سے تعلق رکھنے والی دو سالہ اِسلا مکنیب کو اپنی عمر کی کیٹیگری (فی میل) میں ذہانت کے اسکیل پر99 ویں پرسنٹائل میں بلند اسکور کر کے مینسا کے ممبر کے طور پر شامل کر لیا گیا۔
مینسا بلند آئی کیو کی دنیا کی سب سے بڑی سوسائٹی ہے جس میں شمولیت کے لیے سوسائٹی کے طے شدہ امتحان میں98 ویں پرسنٹائل اسکور کرنا ہوتا ہے۔
اِسلا مکنیب کے والدین کا کہنا تھا کہ ان کی بیٹی سات ماہ کی عمر میں کتاب میں بنی اشیاء کو دیکھ کر حقیقی اشیاء کو اٹھا لیتی تھی۔18 ماہ کی عمر میں حروف کی پہچان ہوگئی تھی اور جلد ہی اس نے پڑھنا بھی شروع کر دیا۔
انہوں نے کہا کہ انہوں نے اسلا کو مینسا میں اس امید کے ساتھ بھرتی کیا کہ ادارے میں اس کی صلاحیتوں کو نکھارا جاسکے گا۔