جنرل سید عاصم منیر نئے سپہ سالار، 10ویں طاقتور ترین فوج کی کمان سنبھال لی

جنرل سید عاصم منیر نئے سپہ سالار، 10ویں طاقتور ترین فوج کی کمان سنبھال لی

ایک نیوز نیوز: جی ایچ کیو میں پاک فوج کی کمانڈ میں تبدیلی کیلئے پر وقار تقریب آرمی چیف جنرل عاصم منیر  نے دنیا کی 10ویں طاقت ور ترین فوج کی کمان سنبھال لی ہے۔

رپورٹ کے مطابق جی ایچ کیو میں ہونے والی پروقار  تقریب میں  آرمی چیف جنرل قمر جاوید باجوہ آرمی کمان کی علامت سمجھے جانےوالی اسٹک  جنرل سید عاصم منیرکےحوالے کر دی ہے۔ جنرل عاصم منیر  پاک آرمی کی کمانڈ سنبھالنے والے 17ویں آرمی چیف بن گئے۔ رخصت ہونے والے  آرمی چیف جنرل قمرجاویدباجوہ کوگارڈ آف آنرپیش کیا گیا۔

کمان کی تقریب میں چیرمین جوائنٹ چیفس آف سٹاف کمیٹی جنرل ساحر شمشاد مرزا سمیت تمام مُسلح افواج کے سربراہان، اعلیٰ سول اور فوجی افسران شریک تھے۔ جبکہ پر وقار تقریب میں ا سفارتکار، ریٹائرڈ فوجی افسران، ان کی فیملی اور صحافیوں نے بھی شرکت کی۔

 پاک فوج سے سبکدوش ہونے والے آرمی چیف جنرل قمر جاوید باجوہ اور نئے آنے والے  آرمی چیف جنرل عاصم منیر نے سب سے پہلے یادگار شہدا پر حاضری دی جہاں انہوں نے پھول چڑھائے اور شہدا کے بلند درجات کے لیے دعا کی۔  پاک فوج کے بینڈز  کی جانب سے اس کے بعد قومی ترانے اور ملی نغموں کی  دھنیں پیش کی اور قومی پرچم کو سلامی دی۔

 جنرل قمر جاوید باجوہ اور جنرل عاصم منیر کے پنڈال میں آمد پر گارڈز  کی جانب سے انہیں سلامی دی گئی۔جس کے بعد تلاوت کلامِ پاک سے تقریب کا آغاز ہوا اور جنرل قمر جاوید باجوہ کو الوداع گارڈ آف آنر پیش کیا گیا۔

 سبکدوش ہونے والے آرمی چیف جنرل قمر جاوید باجوہ آرمی کمان کی علامت سمجھی جانےوالی اسٹک جنرل سید عاصم منیرکےحوالےکر دی گئی ہے اور جنرل عاصم منیر پاکستان آرمی کی کمانڈ سنبھالنے والے 17ویں آرمی چیف بن گئے ہیں۔

سبکدوش ہونے والے آرمی چیف کا اس موقع پر کہنا  تھا کہ  میں اللہ کا شکر گزار ہوں کہ اللہ نے پاک فوج کی خدمت کا موقع دیا نئے آرمی چیف جنرل سید عاصم منیر کو آرمی چیف کے عہدے پر پروموٹ ہونے پر مبارک باد پیش کرتا ہوں مجھے امید ہے جنرل عاصم کی تعیناتی بہت مثبت ثابت ہوگی۔  جنرل عاصم منیر حافظ قرآن ہونے کے ساتھ ایک باصلاحیت افسر ہیں توقع نے جنرل عاصم منیر کی قیادت میں پاک فوج ترقی کی نئی منازل طے کرے گی۔خوشی ہے کمان قابل افسر کے سپر د کرکے ریٹائر ہورہا ہوں۔جنرل عاصم کی قیادت میں پاکستان مزید ترقی کرے گا۔ 

شیئر کریں:

Hasan Moavia