نئی دہلی: سالگرہ پر جانے کا اصرار، نوجوان نے گرل فرینڈکو سرراہ قتل کر ڈالا، ویڈیو

نئی دہلی: سالگرہ پر جانے کا اصرار، نوجوان نے گرل فرینڈکو سرراہ قتل کر ڈالا، ویڈیو

ایک نیوز: نئی دہلی میں ساحل سرفراز نامی نوجوان نے  جھگڑے کے بعد اپنی نابالغ دوست ساکشی کو چاقو کے پے در پے حملے کرکے سرعام موت کے گھاٹ اتار دیا۔ 
  رپورٹ کے مطابق بھارتی دارالحکومت نئی دہلی کے شاہ آباد ڈیری علاقے میں ہولناک واقعہ پیش آیا جس میں ساحل سرفراز  سے  ساکشی نے اپنی دوست کی سالگرہ پر جانے کا اصرار کیا تھا جبکہ ساحل نے اسےروکا تھا۔ اس سے ساحل اس قدر ناراض ہوا کہ ساکشی پر چاقو اور پتھر سے حملہ کر اس کا قتل کر دیا۔ نوجوان کی جانب سے لڑکی پر تقریباً 45 حملے کیے گئے، حیرانی کی بات یہ ہے کہ ساحل جب گلی میں نابالغ لڑکی پر چاقو سے حملہ کر رہا تھا تو وہاں کھڑے لوگ خاموش تماشائی بنے دیکھتے رہے۔


اس قتل واقعہ کے بارے میں دہلی پولیس کا کہنا ہے کہ ساکشی اور ساحل رشتہ میں تھےاور گزشتہ دن دونوں کے درمیان کسی بات کو لے کر رنجش ہو گئی تھی اور اسی ناراضگی میں ساحل نے ساکشی کو مارنے کا تہیہ کر لیا تھا۔ یہی وجہ ہے کہ ساحل اپنے ساتھ چاقو لے کر ساکشی کے پاس پہنچا تھا۔ اس چاقو سے جب یکے بعد دیگرے ساحل نے لڑکی پر درجنوں بار حملے کیے تو اسے بچنے کا ذرا بھی موقع نہیں ملا۔


 اطلاعات کے مطابق دہلی پولیس نے ملزم ساحل کو اتر پردیش سےگرفتار کر لیا ہے۔ اس سے قبل بتایا گیا تھا کہ ملزم نے اپنا موبائل بند کر دیا ہے جس کی وجہ سے تلاشی میں مشکلات کا سامنا کرنا پڑ رہا تھا۔ قاتل کو تلاش کرنے کے لیے پولیس کی کچھ ٹیمیں بھی تشکیل دی گئی تھیں۔

شیئر کریں:

Hasan Moavia