ایک نیوز: بہاولپور میں پولیس مقابلہ دیکھنے میں آیا جس میں 3 ڈاکو ساتھیوں کی فائرنگ سے ہلاک ہو گئے۔
رپورٹ کے مطابق تھانہ ہیڈ راجکاں کے علاقہ میں پولیس مقابلہ دیکھنے میں آیا جس میں تین ڈاکو اپنے ہی ساتھیوں کی فائرنگ سے ہلاک ہو گئے۔ پولیس کے مطابق ڈاکو راہزنی و ڈکیتی کے درجنوں مقدمات میں مطلوب تھے ۔
پولیس کو علی الصبح اطلاع ملی کہ کچھ ڈاکو ایک شہری سے موٹر سائیکل چھین کر فرار ہوئے ہیں۔ جس پر پولیس نے فوری ریسپانس کرتے ہوئے ناکہ بندی کی۔ باسی دوران پولیس کا تھانہ ہیڈ راجکاں کے علاقہ 24 ڈی این بی کے قریب ڈاکوؤں سے آمنا سامنا ہو گیا۔ اسی دوران ڈاکوؤں نے پولیس پر سیدھے جان لیوا فائر کیے۔ پولیس نے بھی حفاظت خود اختیاری کے تحت رکاوٹ کا سہارا لیتے ہوئے جوابی فائر کیے۔ فائرنگ رکنے کے بعد دیکھا تو تین ڈاکو اپنے ہی ساتھیوں کی فائرنگ سے ہلاک ہوچکے تھے۔ بقیہ نامعلوم ملزمان فائرنگ کرتے ہوئے اور اندھیرے کا فائدہ اٹھاتے ہوئے فرار ہوگئے۔