پاکستان ڈاک نے نرخوں میں بڑا اضافہ کردیا

ایک نیوز: پاکستان پوسٹ نے یکم اگست سے تمام اقسام کی اندرون ملک ڈاک نرخوں میں 50 فیصد سے زائد اضافہ کر دیا ہے۔

تفصیلات کے مطابق بغیر رجسٹری عام ڈاک20 گرام تک نرخ 20 روپے سے بڑھا کر 30 روپے، 50 گرام تک 38 روپے سے 60 کر دیے گئے ہیں۔ اسی طرح 100 گرام تک 50 سے 75 روپے، 250 گرام تک 75 سے 120 روپے، 500 گرام تک 100 روپے سے 150 روپے، ایک کلو 200 سے 300 روپے، دو کلو گرام تک250 سے بڑھا کر 380 روپے کر دیئے گئے۔رجسٹرڈ اخبارات و رسائل کیلئے ہر 100 گرام پر 2 روپے سے بڑھا کر 5 روپے کر دیے گئے ہیں۔

پارسل ایک کلو بغیر رجسٹریشن 100 سے بڑھا کر 150, 3 کلو 175 سے 270 روپے، 5 کلو گرام 250 سے 380 روپے کر دیے گئے ہیں۔ 10 کلو 375 سے 570 روپے، 15 کلو گرام 500 سے 750 روپے، 20 کلو 625 سے 940 روپے، 25 کلو 750 سے 1130 روپے، 30 کلو گرام 875 روپے سے بڑھا کر1320 روپے کردیے گئے ہیں۔