ایشین والی بال: پاکستان کو سیمی فائنل میں ازبکستان سے شکست

ایک نیوز:تاشقند میں جاری ایشین انڈر 16 والی بال چیمپئن شپ میں مسلسل چار فتوحات کے بعد پاکستان کو سیمی فائنل میں شکست کا سامنا کرنا پڑا جس کے بعد پاکستان ٹیم اب تیسری پوزیشن کا میچ کھیلے گی۔
تفصیلات کےمطابق ایشین انڈر 16 والی بال چیمپئن شپ میں اب تک ناقابل شکست رہنے والی پاکستان ٹیم کو سیمی فائنل میں میزبان ازبکستان نے3-0 سے شکست دی۔
دونوں ٹیموں کے درمیان چاروں گیمز میں زبردست مقابلہ ہوا تاہم ازبکستان کے پلیئرز نے بہترین فنش کا مظاہرہ کرکے کامیابی حاصل کی۔ 
ازبکستان کی کامیابی کا اسکور  23-25، 25-21،17-25 اور 23 -25 رہا جبکہ سیمی فائنل میں شکست کے بعد اب پاکستان ٹیم تیسری پوزیشن کا میچ کھیلے گی جس میں اس کا مقابلہ چائنیز تائپے سے ہوگا۔
واضح رہے چائنیز تائپے کو سیمی فائنل میں ایران نے شکست دی تھی، ایونٹ کی ٹاپ 3 ٹیمیں اگلے سال ہونیوالی ورلڈ انڈر 17 چیمپئن شپ کیلئے کوالیفائی کرجائیں گی۔
 ورلڈ چیمپئن شپ میں جگہ بنانے کیلئے پاکستان کو تیسری پوزیشن کا میچ جیتنا لازمی ہے۔