ایک نیوز :نگران وزیراعظم کیلئے پیپلزپارٹی اور مسلم لیگ ن میں 5ناموں پر اتفاق کرلیاگیا۔
ذرائع کے مطابق نگران وزیراعظم کے تقرر پر ن لیگ اورپیپلزپارٹی میں مشاورت کا سلسلہ جاری ہے ۔خواجہ آصف اور ایاز صادق کی پیپلزپارٹی وفد سے ملاقات ہوئی۔پیپلزپارٹی کی طرف سے وفد میں راجہ پرویز اشرف،نوید قمر،خورشید شاہ موجود تھے۔
پیپلزپارٹی اور ن لیگ کے وفد کے مابین ملاقات میں نگران وزیراعظم کیلئے سیاسی شخصیت کو ذمہ داری سونپے جانے پرغور کیاگیا۔ زیرغور آنےوالے ناموں میں اسحاق ڈار کا نام شامل نہیں۔پانچوں نام ودیگر اتحادیوں کے ساتھ شیئرکرنے کا فیصلہ کیاگیا۔اتحادیوں کو اعتماد میں لینے کے بعد لیڈر شپ کو اعتماد میں لیاجائیگا۔نگران وزیراعظم کیلئے مشاورت کا اگلا دوریوم عاشور کے بعد ہوگا۔