ایک نیوز :امریکا میں مقیم پاکستانی نژاد گلوکارہ، میوزک کمپوزر، اور پروڈیوسر عروج آفتاب گریمی تقریب میں پرفارمنس کرنے والی پہلی پاکستانی بنیں گی۔
تفصیلات کےمطابق میوزک کے لیے اعلیٰ ترین ایوارڈ ’گریمی‘ کے لیے مسلسل دوسرے سال بھی نامزد ہونے والی گلوکارہ عروج آفتاب پہلی پاکستانی گلوکارہ بھی بنیں گی جو ایوارڈز تقریب میں پرفارمنس کرتی دکھائی دیں گی ،جبکہ گریمی ایوارڈز کی تاریخ میں پہلی بار اردو گانا بھی پیش کیا جائے گا۔
عروج آفتاب 2022 میں گریمی جیتنے والی پہلی پاکستانی نژاد گلوکارہ ہیں ، اس ایوار ڈ کیلئے وہ دوسری مرتبہ پھر نامزد ہوئی ہیں ۔عروج آفتاب نے اپنی انسٹاگرام پوسٹ میں تصدیق کی کہ وہ گریمی ایوارڈز کی تقریب میں پرفارمنس کرتی دکھائی دیں گی۔
انہوں نے بتایا کہ وہ ایوارڈز تقریب سے کچھ گھنٹے قبل ہونے والی ’پریمیئر گریمی ایوارڈ تقریب‘ میں لائیو پرفارمنس کریں گی۔
انہوں نے گریمی ایوارڈز تقریب میں پرفارمنس کا موقع ملنے پر خوشی کا اظہار کرتے ہوئے بتایا کہ وہ تقریب کا بے صبری سے انتظار کر رہی ہیں۔