فیصل آباد:زبان یارِمن ترکی کی تقریب رونمائی 

ویب ڈیسک :فیصل آبادمیڈیکل یونیورسٹی کے آڈٹیوریم میںزبان یارِمن ترکی کی تقریب رونمائی و پذیرائی کا انعقادکیا گیا،تقریب کی صدارت وائس چانسلر پروفیسرڈاکٹر ظفر علی چوہدری نے کی جبکہ اصغر ندیم سید بطور مہمان خصوصی شریک ہوئے۔
مایہ نازطبی ماہرڈاکٹر تصور اسلم بھٹہ کی کتاب زبان یار من ترکی کی تقریب رونمائی کی تقریب فیصل آبادمیڈیکل یونیورسٹی کے آڈٹیوریم میں منعقد ہوئی. یہ ترکی پر ایک تحقیقی اورتاریخی سفرنامہ ہےجو تین سال میں مکمل ہوا،کتاب میں عثمانی ترکوں کے دورحکومت کا تفصیلی جائزہ لیا گیا۔
اس کتاب کی اشاعت کا اہتمام ایشیا پیسفیک چیمبر آف کامرس اینڈ انڈسٹری کے بانی ڈاکٹرحسن خلیل نےکیا. تقریب میں شرکاء کو کتاب کی اہمیت سے آگاہ کیا اور آسٹریلیا میں بسنےوالے پاکستانیوں کے بارے میں آگاہ کیا،انہوں نے بتایا کہ سمندر پار پاکستانی،پاکستان کا سب سے قیمتی اثاثہ ہیں۔
اس تقریب کی صدارت وائس چانسلر پروفیسر ڈاکٹر ظفر علی چوہدری نے کی جس میں مختلف شعبہ ہائے زندگی سے بہت سے معززین نے شرکت کی۔
وائس چانسلر نےترکی اور پاکستان کےدیرینہ سماجی،سیاسی ثقافتی تعلقات پر روشنی ڈالی. انہوں نے ڈاکٹر حسن خلیل اور ایشیا پیسفیک چیمبر آف کامرس اینڈ انڈسٹری کے تعاون کو سراہا جنہوں نے اس تاریخی کتاب کی اشاعت کو ممکن بنایا۔
دیگر مہمان گرامی نےکتاب کے حوالے سے اپنے خصوصی خطاب میں کہا"زبانِ یارِ من ترکی "،ترکی کے حیرت انگیز سفر پر مبنی یہ کتاب پاکستان اور ترکی کے درمیان عمیق تعلقات کی عکاسی کرتی ہے اورڈاکٹر تصور بھٹہ کا قلم تاریخ، ثقافت اور دونوں ممالک کے مابین گہرے جذباتی بندھن کو نمایاں کرتا ہے۔
"زبانِ یارِ من" محض ایک کتاب نہیں بلکہ دو قوموں کے درمیان موجود بے پناہ محبت، احترام اور باہمی اشتراک کی ایک زندہ مثال ہے۔ اس سفرنامے کے ذریعے، مصنف نے ترکی کی زمینوں پر اپنے قدم رکھنے کے لمحات کو بیان کیا ہے، جہاں ہر گوشہ، ہر بستی اور ہر شہر پاکستان اور ترکی کے مابین دیرینہ دوستی کی کہانیاں سناتا ہے۔