ایک نیوز:پی پی پی چیئرمین بلاول بھٹو زرداری نے کراچی پریس کلب کے نومنتخب عہدیداروں صدر فاضل جمیلی اور جنرل سیکریٹری محمد سہیل افضل کے لیے نیک تمناوَں کا اظہار کیا ہے۔
چیئرمین بلاول بھٹو زرداری نے جوائنٹ سیکریٹری محمد منصف اور خزانچی عمران ایوب سمیت گورننگ باڈی کے کامیاب ارکان کوبھی مبارکباددی، بلاول بھٹو زرداری نے کہا کہ کراچی پریس کلب کے سالیانہ انتخابات میں ڈیموکریٹس پینل کی شاندار کامیابی پر ذمہ دارن کو مبارکبادپیش کرتا ہوں۔
بلاول کا کہنا تھا کہ کراچی پریس کلب کی شاندار جمہوری روایات ہم سب کیلئےباعثِ فخر ہیں، کراچی پریس کلب ملک میں آزادی اظہار اور خودمختار صحافت کا ایک مضبوط قلعہ رہا ہے، امید ہے نئی قیادت صحافتی برادری کو درپیش چیلنجز کا جرات اور عزم کے ساتھ مقابلہ کرے گی۔
بلاول بھٹو زرداری نے کہا کہ امید ہے نومنتخب عہدیداران نئے چیلنجز کا سامنا کرتے ہوئے آزادی صحافت کے تحفظ کی میراث کو آگے بڑھائے گی، پیپلز پارٹی غیر متزلزل عزم کے ساتھ صحافی برادری کے جائز حقوق و موقف کی حمایت کرتی رہے گی،آزاد اور ذمہ دار صحافت کا فروغ ہماری قوم کی ترقی اور خوشحالی کے لیے ضروری ہے۔
کیپشن: Congratulations to the newly elected officials of Bilawal Bhutto's Karachi Press Club