ایک نیوز: گورنمنٹ ہائی سکول سرواکئی میں یوم قائد پورے جوش و جذبے سے منایا گیا۔ پاک فوج کے زیر اہتمام ہونے والی اس تقریب میں بچوں، طلباء، مشران اور مقامی لوگوں کو مدعو کیا گیا تھا جس پر مقامی لوگوں کی جانب سے مثبت اور پرجوش ردعمل ملا۔
مہمان خصوصی کی آمد کے بعد تقریب کا باقاعدہ آغاز ہوا۔ جس کے بعد قرات و نعت پیش کی گئی۔ شدوگئی پرائمری سکول اور گورنمنٹ ہائی سکول سرواکئی کے طلباء نے تقاریر پیش کی قومی نغمے گائے گئے جس کے بعد مختلف سکولوں کے طلباء نے ٹیبلو پیش کیا۔
قرعہ اندازی کا مقابلہ بھی منعقد کیا گیا۔ قائداعظم کی زندگی پر مرکوز کوئز ٹیسٹ کا انعقاد کیا گیا۔ تقریب تقسیم انعامات کے بعد مشاعرے اور پرنسپل کے خطابات ہوئے۔ مہمان خصوصی نے شرکاء سے خطاب بھی کیا۔
پروگرام کے بعد مقامی لوگوں کے لیے آرمی ٹیم اور سرواکائی یوتھ ٹیم کے درمیان دوستانہ کرکٹ میچ کا انعقاد کیا گیا۔ دس اوورز کے چیلنج کے بعد سرواکئی یوتھ ٹیم آرمی ٹیم کو ہرا کر قائد ڈے ٹرافی جیتنے میں کامیاب ہو گئی۔
مین آف دی میچ اور میچ کے امپائرز کو ان کی کاوشوں پر سراہا گیا اور نقد انعامات سے نوازا گیا۔