ایک نیوز:جارحانہ بیٹنگ کیلئےمشہور ویسٹ انڈیز کے سابق کرکٹر سر ویون رچرڈز نے پاکستان کے فاسٹ باؤلر شاہین شاہ آفریدی سے متعلق ورلڈکپ کیلئےپیشگوئی کی ہے۔
رپورٹ کے مطابق آئی سی سی نے ایک مختصر ویڈیو شیئر کی گئی جس میں ویوین رچرڈز نے شاہین آفریدی کو ورلڈ کپ میں سب سے زیادہ وکٹیں لینے والا باؤلر قرار دیا۔ویوین رچرڈز نے کہا کہ شاہین آفریدی ورلڈ کپ میں سب سے زیادہ وکٹیں لیں گے، میں نے شاہین کو دیکھا ہے۔
ویون رچرڈ نے کہا کہ میں نے پی ایس ایل کے دوران وقت گزارا، شاہین آفریدی کو بہت آگے بڑھتے ہوئے دیکھا ہے، وہ ایک پرعزم اورمیرا پسندیدہ کھلاڑی ہے۔
واضح رہے کہ آئی سی سی ورلڈکپ رواں برس 5 اکتوبر سے بھارت میں شروع ہونے جارہا ہے جس میں پاک بھارت ٹاکرا 14 اکتوبر کو ہوگا۔