کچے میں پولیس آپریشن 21ویں روز بھی جاری ،تازہ دم دستے بھی پہنچ گئے

ایک نیوز :کچے کے علاقے میں ڈاکوؤں کے خلاف  پولیس آپریشن 21 ویں روزبھی  جاری ہے، پولیس کے تازہ دم دستے بھی پہنچ گئے ۔
تفصیلات کے مطابق کچے میں آپریشن کا آج 21 واں روزہے ، پولیس کی ڈاکوؤں کےٹھکانوں کی جانب پیش قدمی جاری ہے، پولیس اورڈاکوؤں کےدرمیان فائرنگ کا تبادلہ جاری ہے ۔ پولیس نے ڈاکوؤں کے متعدد ٹھکانے بھی تباہ کردیئے۔
اس حوالے سے ڈی پی اونے بتایا کہ پولیس کی جرائم پیشہ عناصر کے خلاف کارروائیاں جاری ہیں، اب تک 4 ڈاکو ہلاک اور 20 سہولت کاروں کو گرفتار کیاجا چکا ہے۔ڈاکوؤں سے کچے کا ہزاروں ایکڑ رقبہ کلیئر کروا لیا گیا ہے اور پولیس چوکیاں بھی قائم کی گئی ہیں۔