ویب ڈیسک:وزیراعظم شہباز شریف اور امریکی صدر جوبائیڈن کے درمیان ملاقات ہوئی جس میں دونوں رہنماؤں نے ایک دوسرے کیلئے نیک خواہشات کا اظہار کیا۔
وزیراعظم آفس کی جانب سے جاری کردہ ایک بیان میں بتایا گیا کہ وزیرِاعظم شہباز شریف نے گزشتہ شب امریکی صدر جو بائیڈن کی جانب سے اقوام متحدہ جنرل اسمبلی کے اجلاس میں شریک سربراہانِ حکومت کے اعزاز میں دیئے جانے والے عشائیے میں شرکت کی۔
عشائیے کے دوران وزیراعظم شہباز شریف سے امریکی صدر جو بائیڈن نے ملاقات کی، دونوں رہنماؤں نے ایک دوسرے کیلئے نیک خواہشات کا اظہار کیا، عشائیے میں دیگر ممالک کے سربراہان مملکت بھی شریک تھے۔