ایک نیوز نیوز:کراچی: چینی ڈینٹسٹ کے کلینک میں فائرنگ کے واقعے کی سی سی ٹی وی فوٹیج سامنے آگئی۔
کراچی کے علاقے صدر کے علاقے میں چینی ڈینٹسٹ کے کلینک میں فائرنگ کے واقعے کی سی سی ٹی وی فوٹیج سامنے آگئی۔
ویڈیو میں کالے کپڑے، لال ٹوپی پہنے شخص کو فائرنگ کرتے دیکھا جاسکتا ہے، فائرنگ کے وقت اطراف میں بھگدڑ مچ گئی اور شہری اپنی جان بچانے کیلئے دوسری دکانوں میں چھپ گئے۔
ویڈیو میں دیکھا جاسکتا ہے کہ فائرنگ کے بعد ملزم پیدل ہی فرار ہوگیا۔
https://www.pnntv.pk/uploads/digital_news/2022-09-28/news-1664374858-9122.mp4
واضح رہے کہ شہر قائد کے علاقے صدر میں ڈینٹل کلینک پر فائرنگ سے چینی نژاد شخص جاں بحق ہوا جبکہ چینی نژاد ڈاکٹر اور اہلیہ زخمی ہوگئے۔
ایس ایس پی ساؤتھ کراچی کے مطابق مقتول اور زخمی چینی نژاد پاکستانی شہری ہیں، زخمیوں میں ڈاکٹر ایچ یو رچرڈ اور انکی اہلیہ مارگ ریڈ کو ہسپتال منتقل کیا گیا ہے، دونوں کو طبی امداد دی گئی، انکا ملازم جاں بحق ہوا ہے، نائن ایم ایم گولیوں کے ساتھ خول ملے ہیں۔
اس حوالے سے ایس ایس پی کا مزید کہنا تھا کہ جاں بحق اور زخمی افراد دہری شہریت رکھتے تھے، حملہ آور مریض بن کے کلینک میں آیا اور کافی دیر تک دانتوں کا چیک اپ کرانے کے لیے کلینک میں بیٹھا رہا۔