ایک نیوز نیوز: پاکستان اور انگلینڈ کے مابین 7 میچز کی سیریز کا پانچوں ٹی 20 آج قذافی اسٹیڈیم لاہور میں کھیلا جائے گا۔
رپورٹ کے مطابق انگلینڈ کے خلاف آج پانچویں ٹی 20میچ میں آل راؤنڈر عامر جمال پاکستان کی جانب سے ڈیبیو کریں گے۔ عامر جمال ٹی ٹوئنٹی انٹرنیشنل کرکٹ میں پاکستان کی جانب سے ڈیبیو کرنے والے 98 ویں کھلاڑی ہوں گے۔
عامر جمال نے خوشی کا اظہار کرتے ہوئے کہا ملک کی نمائندگی کرنا ایک اعزاز ہے اور ان جذبات کا الفاظ میں اظہار کرنا ممکن نہیں ہے۔ وسیم اکرم میری آئیڈیل باؤلر ہیں اور میں قومی ٹیم کی جیت میں اہم کردار ادا کرنا چاہتا ہوں۔
پاکستان آج لاہور کے قذافی اسٹیڈیم میں انگلینڈ کے خلاف سیریز کا پانچواں ٹی ٹوئنٹی میچ کھیلے گا،۔آج کے میچ کے لیے قومی فاسٹ بولر نسیم شاہ دستیاب نہیں ہیں کیونکہ وہ وائرل انفیکشن کی وجہ سے گزشتہ رات ہسپتال داخل ہوئے تھے۔