ایک نیوز نیوز: لیجنڈ اداکارہ آشا پاریکھ کوبھارت کی جانب سےدادا صاحب پھالکے ایوارڈ سے نوازا جائے گا۔
رپورٹ کے مطابق اداکارہ آشا پاریکھ کو بھارتی صدر دروپدی مرمو اس ایوارڈ سے 30 ستمبر کو نوازیں گی۔ اداکارہ آشا پاریکھ کو برصغیر میں سنیما انڈسٹری کے لئے بے مثال خدمات پر اس ایوارڈ سے نوازا جارہا ہے ۔ اس سے قبل انہیں حکومت ہند کی جانب سے پدم شری ایوارڈ بھی دیا جا چکا ہے ۔
دادا صاحب پھالکے ایوارڈ کا اعلان کرتے ہوئے بھارت مرکزی وزیر اطلاعات و نشریات انوراگ ٹھاکر نے کہا کہ یہ اعلان کرنا اعزاز کی بات ہے کہ دادا صاحب پھالکے کی جیوری نے آشا پاریکھ کو برصغیر سنیما میں زندگی بھر کی مثالی شراکت کو تسلیم کرتے ہوئے اس اعزاز سے نوازنے کا فیصلہ کیا ہے۔
یاد رہے کہ آشا پاریکھ بھارتی سنیما میں اپنے کئی کرداروں کے لیے جانی جاتی ہیں۔ ان کی سپر ہٹ فلموں میں ‘کٹی پتنگ‘، ’تیسری منزل‘، ’آیا ساون جھوم کے‘ اور ’لو ان ٹوکیو‘ شامل ہیں۔