ایک نیوز نیوز : بحر الکاہل میں زیر زمین آتش فشاں پھٹنے سے نیا جزیرہ ابھر کر سامنے آگیا ۔
تفصیلات کے مطابق امریکی خلائی ادارے ناسا نےسیٹلائیٹ تصاویر کی مددنئے جزیرے کا انکشاف کیا ۔ٹونگا کے قریب سمندر میں ہوم ریف نامی زیرآب آتش فشاں میں دھماکے کے بعد یہ جزیرہ اوپر ابھرا۔ناسا کے مطابق 10 ستمبر کو آتش فشاں میں ایک دھماکا ہوا تھا جس کے بعد اردگرد کے پانی کا رنگ بدل گیا اور 11 گھنٹے بعد جزیرہ سمندر کی سطح پر نمودار ہوگیا۔
ناسا کے مطابق پہلے اس جزیرے کا حجم ایک ایکڑ پر محیط تھا مگر 26 ستمبر تک اس جزیرے کا حجم 8.6 ایکڑ ہوچکا تھا جبکہ یہ جزیرہ سطح سمندر سے 15 میٹر بلند ہے۔ناسا نے اس جزیرے پر جانے سے منع کیا ہے کیونکہ یہ آتش فشاں کے علاقے میں موجود ہے۔