وزیر اعلیٰ مریم نواز نے پنجاب میں پولیو مہم کا افتتاح کر دیا 

ایک نیوز: پولیو فری پنجاب کاعزم لیےوزیر اعلیٰ مریم نواز نے پنجاب بھر میں اینٹی پولیو ویکسینیشن مہم کا باقاعدہ افتتاح کر دیا ۔
سروسز انسٹی ٹیوٹ آف میڈیکل سائنسز میں وزیر اعلیٰ مریم نواز شریف نے بچوں کو خود اینٹی پولیو ویکسینیشن کے قطرے پلا ئے ،وزیر اعلیٰ مریم نواز شریف کی والدین کو اینٹی پولیو ویکسینیشن کے قطرے پلانے کی اپیل ،وزیر اعلیٰ مریم نواز شریف نےزیرو پولیو کا ٹارگٹ مقرر کردیا ،وزیر اعلیٰ مریم نواز شریف نے ننھی بچی نائرہ کو گود میں اٹھا کر پیار کیا، ویکسین کے قطرے پلائے، کینڈیز بھی دیں۔
 وزیر اعلیٰ مریم نواز شریف نے دیگر بچوں کو اینٹی پولیو ویکسین پلانے کے بعد کینڈیز کے گفٹس دیے ، انکو خود نشان بھی لگایا ،وزیر اعلیٰ مریم نواز شریف نے پولیو ورکرز سے ملاقات کی، گروپ فوٹو، پولیو ورکرز کو محنت کی تلقین کی ۔
وزیر اعلیٰ مریم نواز شریف نے پولیو ورکرز سے کی خدمات کو سراہا، وزیراعلیٰ مریم نواز شریف کو انسداد پولیو کےلئے تیار کی گئی ایپ کے بارے میں بریفنگ دی گئی،انسداد پولیو مہم کے دوران دو کروڑ سے زائد بچوں کو پولیو سے بچاو کے قطرے پلائے جائیں گے۔
 بریفنگ میں بتایا گیا کہ پنجاب بھر میں انسداد پولیو مہم 28 اکتوبر سے 3 نومبر تک جارہی رہے گی، لاہور، راولپنڈی اور فیصل آباد میں ویکسینیشن مہم سات روزہ ہو گی، بقیہ اضلاع میں مہم پانچ روزہ جاری رہے گی، پولیو ویکسینیشن کیمپین میں 2 لاکھ سے زائد پولیو ورکرز خدمات سر انجام دینگے ،سنرجی ایو یلیو یشن سسٹم ایپلیکیشن‘ کے ذریعے ویکسین سے محروم رہ جانے والے بچوں کا سراغ لگایا جارہا ہے ۔