ایک نیوز:پی سی بی نے دورہ آسٹریلیا کیلئے عارضی طور پر جیسن گلیسپی کو قومی کرکٹ ٹیم کا ہیڈ کوچ مقرر کر دیا ہے جبکہ پی سی بی نے گیری کرسٹن کا استعفیٰ منظور کر لیا ہے۔
خیال رہے کہ وائٹ بال ٹیم کے ہیڈکوچ اور پی سی بی میں اختلافات کی بنا پر گیری کرسٹن عہدے سے مستفعیٰ ہو گئے ہیں۔
ذرائع کے مطابق گیری کرسٹن سینٹرل کنٹریکٹ اور سلیکشن میں من پسند افراد لگانے پر اصرار کررہے تھے، ہیڈ کوچ نے معاہدے پر عملدرآمد کرنے سے انکار کردیا تھا۔
گیری کرسٹن نے سیریز سے پہلے ایک ہفتے کا کیمپ لگانے کیلئے بھی پاکستان آنے سے انکار کیا۔
واضح رہے کہ گیری کرسٹن کے مستعفی ہونے کے بعد سابق ٹیسٹ کرکٹر عاقب جاوید کو وائٹ بال ٹیم کا بھی کوچ مقرر کیے جانے کا امکان تھا، گیری کرسٹن کے استعفا دینے کے بعد قومی وائٹ بال ٹیم کے نئے ہیڈ کرچ کےلیے مشاورت ہوئی جس میں قرعہ جیسن گلسیپی کا نکلا۔