ورلڈ کپ؛ بھارتی اداکار ایوشمان بھی ناقص امپائرنگ پر بول پڑے

ایک نیوز:بالی ووڈ اداکار ایوشمان کھرانہ بھی پاکستان اور جنوبی افریقا کے میچ کے دوران ناقص امپائرنگ پر بول پڑے۔
 ناقص امپائرنگ پر جہاں دُنیائے کرکٹ سے وابستہ شخصیات اور سابق کرکٹرز نے سوال اُٹھائے تو وہیں بالی ووڈ اداکار ایوشمان کھرانہ بھی خاموش نہ رہ سکے۔
ایوشمان کھرانہ نے سماجی رابطے کی ویب سائٹ ایکس پر اپنی پوسٹ میں کہا کہ “بھائی! یہ شمسی آؤٹ تھا”۔
واضح رہے کہ اس فیصلے کے بعد کرکٹ کے حلقوں اور دنیا بھر کے شائقین میں بحث و مباحثے کو جنم دیا جبکہ سابق کرکٹر ہربھجن سنگھ، عرفان پٹھان اور گوتم گمبھیر نے بھی فیصلے کو تنقید کا نشانہ بنایا۔